sexta-feira, novembro 17, 2006


CHEGA O FRIO E O ROCK A MELIDE.
Cando semella que o inverno quere facer acto de presencia (e xa non é xa, segundo os nosos maiores, que razón teñen) parece que en Melide nos vamos abrigar non con mantas senón con guitarras eléctricas. Polo menos hoxe Venres.
A oferta é moita e sobre o papel de calidade mais que decente.
Empezaremos pola Fundaciñon onde Xaime vai traer ós Apóstoles, como non de Santiago, grupo que petou nos primeiros 90 grabando un único disco que foi nº1 dos 40 pijopales. Despois Moncho Lago e os seus compañeiros grabarían un disco dedicado a SD Compostela onde destacaba un pasadoble homenaxe a Caneda que dicía algo así "Todos estamos contigo y yo te lo digo amigo Caneda(....)en las alegrías y en las penas, que viva Chema Caneda y viva la madre que te parió". No comment.
Se queredes afondar mais na historia deste grupo picheleiro preme aqui
Despois poderíamos seguir coa oferta do 600 que nos trae ó grupo de punk vasco(Barakaldo) Macarrada formación dun dos compoñentes dos últimos MCD autores de temas tan coñecidos no universo underground como "No mas punkis muertos" ou "Cargao de alcohol".
Acutarán como teloneros, tanto hoxe como no concerto de mañá en Vigo, os melidaos Porka Miseria.
Todo por 6 €.
E para rematar no mítico Pub Gatos (nove anos xa de grupos en vivo) tócalle o turno a Sugar Mountain. O grupo pontevedrés bendecido por toda a crítica especializada vén de grabar un disco en EEUU producido por Eric "Roscoe" Ambel (todo un clásico) e masterizado por Greg Duffin (Bruce Springsteen, David Bowie, Herbie Hancock, etc.)
Case nada meus. O que fai Sugar Mountain é todo un ROCK con maiúsculas.
Pois como vedes onde escoller hai, tamén é unha boa opción p quedar na casa e comer unhas castañiñas con viño novo.

quarta-feira, novembro 15, 2006

QUENDA DE LETRAS
Como ben sabedes "Cifras e letras" xa leva case que un ano nas sobremesas da TVG ou A Galega (como queirades). Un formato de concurso inventado en Francia e que leva xa,mais de trinta anos dando bos datos de audiencia.
En España emitírase nos anos 90 presentando por Elisenda Roca, antes xusto de que escomenzara outro concurso senlleiro como é o "Saber y Ganar" de Jordi Hurtado.
Dende fai unhas tempadas Telemadrid retomou o concurso e o encarregado de dirixir o cotarro no plató é un gran coñecido para os galegos, o gran Paco Lodeiro. Un home multimedia que tanto imita a Paco Vázquez ou Arsenio como que ten un bar na Praza do Convento chamado Ramiro de non sei que Libro de Familia.
Pois ben mirade este video e comprobade que caprichosas son as letras....
Xogade tamén, eh.

Non ten desperdicio tampouco, o acento "castellano" de Lodeiro cando pregunta
¿Cuan-tas le-tras Lu-cí-a? , bufffff
Unha dúbida que vos plantexo, ¿ ten posibilades Jorge Mira con Iolanda Castaño?.
Se da tabla do 75 depéndese ben sei eu como acbaría o conto.
Deíxovos outro videolink cun concursante peculiar do concuro.
Prémelle, show must go on.

segunda-feira, novembro 13, 2006

SOMOS AZUIS...OUTRA VEZ
E todo aconteceu o día en que volvimos a ser Azuis (como ben di Pájaro) despois dunhas tempadas xogando de verde botella. O bon destas prendas é que eran de manga longa e prestabánse ben para o inverno.
Pero a historia manda, e a ilusión que hai este ano, entre outras cousas pola construcción do campo novo e a seriedade no banco e nos adestramentos, tarefa que xa se viña facendo ben o ano pasado onde despois de moitos ,moitos anos fixemos bastantes puntos e bos partidos, e eso tiña que verse tamén no equipamento.
O novo patrocinador do Cire para a categoría senior é o CCA de Melide (Centro comercial aberto), que subvencionou unhas elásticas modernas acorde co fútbol actual, marca Luanvi.
O CCA é nha entidade nova que aglutina a preto de cincuenta comercios da vila e que está apostando polo deporte, a cultura e a sociedade civil en xeral(amén de defender o comercio local que é o motivo principal do seu nacemento), con iniciativas en beneficio de todos. Gracias o CCA polo seu apoio e penso que isto non vai remata aquí, porque teñen pensado facer unha serie de campañas onde o equipo do Cire se erixe como protagonista. En conclusión, o pobo de Melide volta a confíar no seu clube de toda a vida, o Centro Instructivo Educativo de Melide (Cire), agrupación pola que pasou moita xentiña do pobo e nos fixo a todos un pouco mais persoas.

12/11/06. Toques 1-Cire 3
De Pé e de Esquerda a Dereita:
Luis Eugenio Mato (adestrador), Brais, Pájaro,Ramón Camiño, Perilla, Suso Pampín, Miguito, Chiki e Santi Quintás.
Anicados: Pucha Sr.(directivo), Pucha Jr, Óscar, Marcos Pampín, Jechu, Tarrío, Nacho e Alberto Prado (capitán).
Xa era hora de teres unha foto oficial do equipo azul.
Se querédes ollar a crónica do partido pasade pola: Web do Cire feita por Santi "Taborda", o goleador dos derbys.

Non, non vos preocupedes Jechu non fichou polo Dépor, de momento.
A petición de Alberto Prado "Torito pequeno, Cuerno Doyuna" poño este parecido entre a estrela do Cire e o novísisimo xogador astur do Deportivo, Adrían López.
A calidade do escaneo é moi mala, pero como o dixo o outro, "éche o que hai".

Estes foron os resultados da enquisa feita “ad hoc” para o derby de onte domingo.
Como vedes o 28 % non se enganou e confiou en que o Cire gañaría o encontro por mais dun gol.
No segundo posto de votacións, con catro votos cadanseu, temos un empate entre os que apostaron por unha victoria dos locais pola mínima e os mais optimistas que confiaban en que o equipo derrotado pagaría unha mariscada no Xaneiro a todo público que acudira ó partido.
Se teñen que pagar unha mariscada a todos os que foron o campo, había ser como “unha voda” das boas. Porque segundo se dicían o público no Municipal de Fonte Queimada rondaba as 300 persoas.
Na terceiro posición atopánse os catro siareiros que contaban que o Toques vencerá por un gol. Non andiveron lonxe . Se marca o penalti Carril, cambíabache o conto.
Na cuarta praza, novo empate, desta volta as táboas son entre os que confiaron en que o Cire gañaba pola mínima ,os que un pouco despistados , con esto do fútbol afeccionado, preguntábanse , pero ¿quen xogaba? e as duas persoas que pensaban que en vez de encontro haberia unhas partidiñas de tute no Lorena. Foise , pero algúns antes e outros despois. Por certo que esta pegado a montase de “Victor Casal”.
Houbo un home realista que pensou que non habería partido a causa dunha “garrafonada” colectivo por parte dos “pazos” melidenses. Algún non saíu, e iso si que é noticia, por mor do derby. A paixón pode con todo.
Con bon criterio ningúen confíou no empate entre as escadras, aínda que nun derby é o resultado que mais sae.
Non houbo votos tampouco para a opción de que o trencilla non acudiría a Toques.
Vir veu, pero chegou tarde. Tomaría un café polo camiño. A verdade é que era malo con ganas. Débelle gustar o fútbol inglés que o tentaba arranxar todo co diálogo.
Coido que onte algún cartón mais (polos dous equipos, tivo que haber polo menos dous expulsados) tiña que caer. Coméntabase de que o arbitro non poido vir antes porque estivo facendo a “augardente” e aínda lle duraban os efluvios da encertada.
Ë que a xente éche moi amigha de falar.
Gracias por participar é facer esto un pouquechiño mais entretido.

quinta-feira, novembro 09, 2006

MELIDAOS NO MUNDO-MUNDIAL.
Lendo o semanario gratuito que edita o Grupo Correo, e que leva por medieval nome "Tierras de Santiago", canto mellor sería "Terras de Compostela". Mais poético e todo. Pero bueno, hai xente que ó xornal cabeceira deste grupo xa lle chama "El Correo Manchego" así que...
Pois botandolle unha ollada ó newspaper atópome que na sección "Gentes" e baixo o epígrafe "Emprededoras" sae unha melidá da xeración do 79. (que ano tan bon)
Sonia Seoane, Doutora en Xornalismo pola USC e que xa leva uns anos laborando en Arzúa (antes na radio municipal e agora como xefa de prensa do concello).
Senón foran abondosos os motivos polos que saíres na prensa a causa prinicpal do artigo resulta ser unha ponencia de Sonia (La democratización de la administración en el ámbito local (Ayuntamiento de Arzúa) que se leu en México no "Congreso Internacional de Desarrollo e Investigación Sociocultural" .
Noraboa a Sonia polo seu traballo.

Anécdota: Fixarse que entre Sonia e o cassette hai un "díp-tri-tico" de Lamatumbá.

quarta-feira, novembro 08, 2006

PROGRAMACIÓN OUTONO (Un pouco de cultura e música na cerne.)
Este Venres día 10 de Novembro á 1.00 h da noite na Sala 600 actuarán "La banda de Nash".
Tres uruguaios afincados en Gz que ofrecerán versións de grupos que xa estan na historia da música como :Beatles, Rolling,Police, U2, Queen, Santana, Deep Purple, Satriani, Led Zeppelin, Nacha Pop, etc etc. Vaia abano de grùpazos que teñen.
Venres 10 Novembro. Pub Gatos "Venres 10 de Novembro: Presentando o seu novo traballo "LANZARSE A LAS HERIDAS", retoman o pulso do GATOS os estradenses ROBIN DE LOS ESTERCOLEROS Y SU ALEGRE BANDA DE PATAPHISICOS, (xa que foron os primeiros en ofrecer un concerto nesta reserva india e que moita xente pensou que eran dous grupos) pouco antes de telonear ós seus admirados Burning na Sala Capitol de Santiago. Mencionar que un tema deles, "TU CUERPO ES UN MUSEO" foi a sintonía empregada por TVE, tanto na 1ª coma na 2, para anunciar o Gran Premio de Motociclismo de Estoril e outro, xa se verá cal, vai estar no anuncio do Gran Premio de Valencia deste vindeiro 29 de Outubro. Así que a festa está garantida e non faltarán versións dalgún clásico, sobre todo os mencionados Burning" Di Nani
Venres, 17 Novembro.- Sala 600.- A 1.00
. MACARRADA.- Antigos M.C.D, punk-rock dende Bilbao teloneados polos melidaos Porka Miseria.
Venres, 17 Novembro.- Na Fundación.- "Los Apóstoles" .Grupo revelación dos 90 (nº1 nos 40, seica).
Venres, 17 de Novembro: Sugar Mountain, Pub GatosDende unha das hoxe en día Novas Orleáns galegas, é decir Pontevedra, chega por segunda vez ó Gatos o rock americano, copre decir que máis ben sureño de SUGAR MOUNTAIN para presentar a tod@s o seu novo disco "IN THE RAW" producido nos EEUU por Eric "Roscoe" Ambel (Del-Lords, Yayhoos, Steve Earle..) e masterizado por Greg Duffin (Bruce Springsteen, David Bowie, Herbie Hancock, etc.) que está acadando un gran reconocemento nas radios e revistas especializadas. Xa vedes que con estas referencias a calidade está máis que garantida e o rocanrol primará por riba das acometidas do sétimo de cabalería e outros indios renegados
Comentános Nani.
Venres 24 de Novembro, para rematar o mes de San Martiño, qué rico esta todo: raxo, zorza, e logo cando curen xamóns, chourizos, cacheiras, etc. virán dende Terras do Deza o grupo ALEN que interpretarán temas do seu primeiro traballo homónimo e autoproducido. Decir que algún dos seus membros formou parte dunha histórica banda galega hoxe desaparecida: THE KAMBOTES. Outra festa rachada que temos por diante.
Ademais, obra de teatro Na Fundación o 1 de Decembro denominada "Intres-creación colectiva".
E Concurso de Monólogos, sen data aínda, con 600 € en xogo. Apuntarse neste correo, afarandula@gmail.com ou no nº de tfno: 610 411 775.
"Hay cantidad, hay calidad, hay hay hay variedad...." Que diría Costas en "De hoy no pasa" célebre álbum dos vigueses Siniestro Total. Busque, compare y si encuentra algo mejor "ademándamelo".
THE MATCH´S SUNDAY COUNTDOWN IS BEGIN. GOD REPART LUCK.
Xa queda menos para o encontro de rivalidade comarcal do fútbol afeccionado da terceira autonómica grupo V galega.
Domingo ás 16.00 h, no campo municipal de Toques. Será o primeiro partido que disputen no seu feudo os toquenses xa que o estadio estaba pendenete de homologarse pola Federación Galega de Fútbol (seica lle faltaban esas infames barandillas, que son obrigatorias -por delimitación física do terreo coa grada-, pero que todo o mundo opina que poden producir lesións os propios xogadores).
Antes desto o Toques xogaba no Municipal "Zahorra stadium" de Santiso. Que llo digan o chilenero-loco de Josu, que perpetrou unha "tijereta" sobor do firme pedregoso santiciense e doéronlle os cadrís catro días seguidos.
Vedes que tedes unha inquisas á esquerda por se vos apetece facer un vaticinio.
Non hai premio. Sintoo moito. Só vos podo agasallar , con outro parecido razonable (non quero ser pesado con isto,se algúen quere comentar algo que o faga e me ilumine)entre o rexidor do concello a carón do Bocelo -co debido respeto e con cariño, que non lle pareza mal, non quixera ofendélo- e o dono dunha central nuclear duns debuxos animados para maiores que levan anos e anos (e que sigan moitos mais) na Tv.

Ah, outro parecido que se me acorda -esto é para frikis galegos-galegos- é entre o mítico ilusionista lucense Mago Antón e o actual campión de rallyes do campionato galego,o lalinense José Miguel Martínez Barreiro
Bamarti

segunda-feira, novembro 06, 2006

"PRADOS-MONTELEN-PARADELA-TOQUES" TIKI-TAKA
Onte xogou e goleou o Toques de fútbol no campo do Poulo (0-4).
O equipo de Julio fai un xogo práctico e efectivo, por momentos bonito, o que a xente xa denomina tiki-tokes-taka.
Aínda non perderon ningún envite, mágoa que para o domingo xoguen e perdan (a ver ) ó derby contra o Cire.
Un dos membros da plantilla, aínda que onte non xogou, é Casal o do Templo. Aproveitando a coiuntura de que a xente me reclama mais "parecidos razonables" a min Casal sempre me tivo un aire con Valdés o do Barça. Non son chuspidiños pero...

sexta-feira, novembro 03, 2006


NOVO ESTALO MUSICAL NA NOITE DO VENRES NO GATOS.
Coma sempre Nani rachando coa pana, despois de moitas noites míticas con grupos internacionais como Vantroi (México ,rock combativo con moitos discos no mercado), Bastet (glam rock dende Italia), Cenk (folk-rock dende Suiza) ou The Holybuttons (punk-rock from Suecia) entres outros, moitos nacionais e poderíamos dicir case que tódolos grupos galegos que tocan en salas de concertos, hoxe Venres-Sexta Feira no Gat-Horario habitual e coma sempre de balde veñen directamente de Portugal, The prostitutes.
Defínense tal que así:
Banda Portuense, cuja sonoridade abrange desde o Surf ao 60's Beat passando pelo Garage e Rock'n'Roll instrumental. Esta banda caracteriza-se essencialmente pelo seu som potente e pela forte componente cénica dos seus espectáculos em muito influenciada pelos filmes de Série B e bandas de Surf e Garagem dos anos 50/60. Desde a sua formação em Janeiro de 2002, a banda já actuou um pouco por todo o país e em Espanha no 2º Festival Galicia Costa Oeste.
A banda encontra-se neste momento a preparar aquele que será o seu CD de apresentação a ser editado no final do ano por uma editora espanhola e que será promovido numa tournée europeia
.
Esto é o que di Nani na súa web:
Chegan dende o noso querido e veciño Portugal e arroupados pola productora Eixo Norte Audiencia Zero (nun proxecto de intercambio e colaboración cultural entre o Norte de Portugal e Galicia), o rock irreverente de THE PROSTITUTES, nunha noite que non deixará a nadie indiferente e na que tod@s bailaremos ata que nos doan os pés, e probablemente a cabeza tamén (non pola música, desconfiados).
Se queredes escoitar algún temiña podedes ir a páxina de Marcus

terça-feira, outubro 31, 2006

O FUTBOL PRAIA ESTATAL FALA GALEGO, OU CORUÑO, NENO.
O mellor xogador do mundo de fútbol praia é da Coruña, chámase Ramiro Amarelle é formaba parte, antes de xogar o baompé nos mellores areais do mundo, daquel equipo do Deportivo Xuvenil que se proclamara campión de España xuvenil derrotando entre outros o Madrid de Guti e Raúl, ala por finais dos noventa.
Naquel equipo campión tamén estaba un rapaz con familia por Melide, Luis Mosquera, que incluso ten xogado moitos campionatos de futbol sala de Agosto no pavillón, co equipo da Noela por exemplo.
A tempada seguinte Lendoiro desfai todo o equipo (eran os anos de Manteca, Abreu etc e de pasar olimpícamente da canteira) e hai que buscarse a vida.
Luis vaise para o Compostela xuvenil e Amarelle empeza a xogar o futbol praia. A selección española daquela(formada por veteranos ilustres do fútbol 11) fíxase no rubio coruñes e integrao no equipo.
Dende aquela Ramiro convirtiuse no mellor sobre a area e actualmente é o capitán do combinado vermello.
Este venres a Selección Española, ou debería dicir Coruñesa, debuta en Brasil na copa do mundo.
porqDigo o de "debería dicir coruñesa" ue tódolos xogadores son do peñón herculino.
Amarelle, Nico, Castro,Javi, Pablo, Iri, Johny, Miguel, Valeiro e Reboredo.
A maioría xoga en equipos modestos do fútbol galego (mais ou menos como o Cire).
Se non me credes, comprobádeo.
Sorte a "SELECCIÓN GALEGA DE FUTBOL PRAIA" en Copacabana (Río).
Por certo os caricocas dinlle a este deporte, "futebol de areia".
TEMPO DO SAMÁIN
Infórmovos que o Cire, categoría senior, derrotou o domingo pola mañán (incluso algún ilustre noctámbulo privouse de saír o saturday, manda webs), 2-3 o Galegos no terreo destes últimos. Púxemonos 0-3 e fallamos un penalty (Non, desta volta non foi Pedja senón que foi o Pelusa do Casco Vello). Coma sempre deixovos o enlace do blog do Cire (feito por Santi de Palas) para saber mais deste partido e do resto da xornada nas outras categorías nas que compite o C.I.R.E Prémelle.
Se preguntades polo Santiso, a resposta é empate UD Santiso, ídem o Sobrado, e o Toques descansou.
Noutra orde de cousas na vila do císter, é dicir Sobrado dos Monxes, organizan un "Gran Magosto" para este venres 3 de Novembro´ás 22.00 h, que estará amenizado polo grupo de gaiteiros "Os Melidaos". Estrela invitada a Castaña zurda, Xele.
Voltando a Melide, xornadas micolóxicas de setas e cogumelos organizadas polo Asociación de Troiteiros "Río Furelos" mañán dia 1 de Novembro.(Entre outras datas).
Os Ruxe Ruxe estarán hoxe en Madrid, pretiño do Bernabeu, no Irish Rover celebrando o Halloween.
Unha tradición celta que aqui en Galiza coñecemos como o Samaín.
O de tallar cabazas ou melóns xa se facía aqui moito antes que chegaran as peliculas yankess.
Se queres saber mais sobre este tema, pica aqui.
Esta tradición aínda está moi viva en Cedeira, no norte da Coruña.
Nota: o logo é do mítico grupo alemán de metal, Helloween.

segunda-feira, outubro 30, 2006

JOSE MONGE CRUZ. "CAMARÓN"
Xa que vos falei de Camarón, non me din resistido e póñovos un video do tubo, do mito xitano interpretando "Como el Agua", gustaríame poñer
"La leyenda del tiempo" pero non a atopei. Camarón, no Olimipia de París no seu ocaso vital pero coa arte que sempre o caracterizou.

Limpiaba el agua del rio
como la estrella de la mañana,
limpiaba el cariño mio
el manantial de tu fuente clara.
Como el agua
Como el agua
Como el agua
Como el agua clara
que abaja del monte,
asi quiero verte
de dia y de noche.
Como el agua
Como el agua
Como el agua
Yo te eche mi brazo al hombro
y un brillo de luz de luna
iluminaba tus ojos...
De ti deseo yo toito el calor
pa ti mi cuerpo si lo quieres tu
fuego en la sangre nos corre a los 2.
Como el agua
Como el agua
Como el agua
Si tus ojillos fueran
aceitunitas verdes,
toa la noche estaria
muele que muele,muele que muele,
toa la noche estaria
muele que muele,muele que muele,muele que muele.
Luz del alma mia divina
que a mi me alumbra mi corazon
mi cuerpo alegre camina
porque de ti lleva la ilusion.
Como el agua
Como el agua
Como el agua.BIS

domingo, outubro 29, 2006


JORGE "MÁGICO" GZLEZ E DIEGO ARMANDO
Dous dos mais grandes artistas que deu o fútbol xuntáronse onte no Salvador nun partido de exhibición, chamado softball .
4-1 gañaron os de Maradona. Dous goles para Diego e un para Jorge.
Diego Armando invitou a Mágico a que forme parte do seu equipo. Normal.
Mágico González fixo mais polo país centroamericano "EL Salvador" que ningúen.
E iso que era un amante da noite e que no homenaxe que lle brindaron en Cádiz houbo que ir chamalo ó hotel porque se quedara durmido.
Xenio e figura, foi amigo de un gaditano ilustre, Camarón de la Isla.
Cóntase del que era mais técnico incluso que Maradona, David Vidal dixit.
Foi de xira co FC Barcelona a EEUU e houbo un incendio no hotel, todos baixaron menos el que estaba na cama cunha Californiana e dicía todo o tempo que el non fora.
Mais info de Mágico premendo aqui

quinta-feira, outubro 26, 2006

Ten razón Laura no seu blog, Ghaiteira, parece que nos mirou un chosco porque vamos de catástrofe en catástrofe. Lumes, riadas, arruinamento dos bancos marisqueeros nas praias das nosas rías, luas de mel no calabozo (Caso A.M. Ríos); só saímos na tele cando pasa unha desgracia.
E aínda por riba unha cousa que parecía que tiñamos aseguradora, pónse en dúbida.
Refírome á victoria no Tour de Óscar Pereiro. Non llo queren dar, queren deixar deserto o vencedor da edición 2006. Era o que nos faltaba. Non nos resignemos e protestemos, que xa andamos cansos de dicir que chove cando o que cae do ceo se trata de orín, ou?

terça-feira, outubro 24, 2006

Anexo ós resultados da xornada.
Segundo nos informan, Santi de Palas e Victor de Sobrado, o Toques empatou na casa do Órdes B a un tanto. Espectácular empezo da liga dos debutantes, estan terceiros na táboa. Esa información era a que tiña eu, pero ó non velo en ningún xornal non a puxen. Seguramente ó xogar sabado esquecéronse de avisar a prensa escrita. E o Melide Fútbol Sala escomenzou a tempada gañando ó Laracha en partido disuputado no Pavillón da Martagona. (3-1). A ver si este ano volven a unha categoría digna como a Atuonómica, que o FS non pode estar en Provincial.
Cambiando de historia cóntovos que dende que Peque leva o pelo longo xa levou unhos cuantos puteos, que si Jason Donovan que si nonseique, agora o que mais lle chaman é Rafa Nadal. Ata xa pide 100 pippers con Cola-Cao.

segunda-feira, outubro 23, 2006

FÚTBOL NA CERNE, E OUTROS LERIOS.
O Cire sucumbe en Pontecarreira (2-0), o Santiso fai o propio na casa no seu choque co Viltatuxe (0-3), o partido Toques-Órdes-B suspéndese e o Sobrado gaña o seu primeiro envite pola mínima tendo como rival ó San Martiño (3-2).
Xornada aciaga para o deporte rei da comarca na categoría de Terceira Autonómica.
Só a victoria do Atlético Sobrado lavou un pouco a imaxe dunha xornada para esquecer.
Dicir que o Cire, é o que me toca mais a mau -e o corazón-, non tivo o seu día na chuviosa tarde do domingo e baixou da "nube" creada a xornada anterior mercede ó magnífico xogo despregado perante o CASX.
Pero bueno, coma sempre se queredes saber máis sobre o Cire de maiores, dos Xuvenís (gañaron 4-6, tipo Federer) e dos Cadetes (perderon en Pastoriza-Arteixo) tedes que entrar no blog oficioso do clube, feito por Santi de Palas, xogador do primeiro equipo e técnico das categorías inferiores, Prémelle, blog do Cire.
Se queredes disfrutar dunha auténtica e xenuina crónica dun partido da Terceira Autonómica grupo-11, tedes que entrar no de Tono M., que representa ás cores verdeamarelas nos campos do país do Deza e o Trasdeza e no ciberespacio, Prémelle, blog da UD Santiso.
Para enterárse de que pasa co Sobrado Xuventude, neste caso é un sitio web ó uso : C.A.Sobrado X.
E faltános o blog ou páxina do Toques, que agardemos que non tarde moito.
Dicirvos tamén que empezou á tempada o Melide FS(fútbol sala), do que non teño noticias, pero cando as teña contaréivos como quedaron ós pupilos do tándem de gardaredes Neira e Conde.
Falando de tempadas, outra que empezou foi a de caza. Estar está catalogado como deporte, pero bueno supoño que haberá opinións e criterios para tódolos gustos.
Cambiando de rego, recoméndovos o blog do irmán de Marcus,Xurxo, unha bitácora que habería que clasificala como din os brasilerios coma, Beleza.
Outra recomendación internaútica é a da páxina dun tocaio meu que é
un apaixoado dos grandes mestres e virtuosos das seis cordas, e do mundo marabilloso da maxia:Diario do mago
Bueno xente como din por ahí: "Nunca choveu que non escampase"

sexta-feira, outubro 20, 2006



Hoxe, 20 de Outubro de 2006, cúmprese un ano desta andaina cibernética.
A todo a xentiña que entrou neste recuncho da rede de redes, só se lle pode dicir GRACIAS, e se a pesares diso aínda ó seguides facendo tedes o reino dos ceos aberto de par en par.
Como pasa o tempo, chacho.

quinta-feira, outubro 19, 2006


Agora tócalle a música.
Mañá Venres 20, naSala 600 -antigo A1-, concerto dos ferroláns RIFF-RAFF,grupo exclusivo de versións de ACDC(son moi bos) que xa estiveran alomenos duas veces na nosa vila no mítico Gatos.
Nese local non hai nada programado, esto é o que nos di Nani: "O Venres 20 descansaremos, había algo programado pero non puido ser. Cousas do rock and roll
Pero para rematar o mes o día 27, Venres por suposto, seguiremos ca onda metalera cos tamén coruñeses Pulsar, que a decir verdade non sei si veñen sos ou traen algún grupo acompañandoos, para ofrecernos un repertorio amplio con moitos guiños ós Deftones.
E así son as cousas e así volas conto, non esquezades que os concertos son a partires da unha da noite e ca entrada totalmente gratuíta, bueno si alguén quere facerse cargo dalgún dos meus gastos, non hai problema eh, que non se corte, estou aberto a calquer cantidade, sobre todo si é superior ós 24.000 €, je,je,je...bueno nada máis, moitos bicos a tod@s, saúde e moito r´n´r. Nani
"
No 600 haberá mais concertos no mes de Novembro, entre eles a Banda de Nash, Macarrada (ex-MCD) e Porka Miseria. Todo o seu tempo.