CARLA DA GANDARA DE BARRANTES
Juan Rial, campión galego de hípica na modalidade de Andadura, xa non compite con tanta asiduidade cos cabalos e agora anda mais centrado na cria de cans de pedigree.
A cadela que lle ocupa ó tempo a Juan, chámase "Carla" e é da raza "Montaña do Piríneo", mercouna a uns rapaces de Tomiño (Pontevedra), Gándara de Barrantes.
Xa a levou a varios concursos-exposicións, Portugal, Exposición Internacional de Vilagarcía e o pasado fin de semana acudiu a "LXXX EXPOSICION INTERNACIONAL DE PRIMAVERA" de Madrid, que se fai en Talavera de la Reina, non poido sair mellor a experiencia xa que a exempladr de Juan e Conchi acadou o primeiro premio, EXCELENTE
1ª CLASE INTERMEDIA. Noraboa os donos e por suposto a Carla.

HUMILDES E VANIDOSOS
Vin no blog de Marcus un video dun programa de TVE que ten bastantes similiutdes co Callejeros de Cuatro, chámase "Comando Actulidad".

En dito video o reporteiro entrevista a Matías El humlilde, un auténtico personaxe que semella sacado da saga "2 Fasta 2 Furious", moi coñecido por colgar videos no Youtube das súas tolerías por Mallorca.
Cando rematei de velo veume a cabeza outro persoeiro que acadou sona na rede despois de aparecer no gran programa "Callejeros".
Trátase de Ramón "El Vanidoso":

Fíxose tan popular, que as mentes inquedas dos internautas fixeron as preceptivas parodias animadas:

CONCERTOS EN MELIDE, ESTA FIN DE SEMANA:
No Pub Gatos Nani informanos do seguinte:
O venres 23 visitannos dúas animas en pena. Dende a católica Zamora chegan PUNKATS, dúo Psychoacusticpunkbilly, composto de guitarra e voz que aparte da súa forza musical non deixarán a nadie indiferente pola sua interactividade co público e polos seus disfraces. Son uns demos. Entrada gratuíta.

E o sábado 24 ata o Gatos e dende A Coruña veñen felicitarlle os 60 anos a todo un mito e historia viva DA MÚSICA DOS DERRADEIROS CUARENTA ANOS, o poeta do rock BOB DYLAN. Homenaxe que será feita por unha banda composta por músicos de distintas formacións herculinas e que para esta ocasión fanse chamar THE HIGH LIGHTS BAND, TRIBUTE TO BOB DYLAN, que penso que non é preciso decir que estilo e que pao tocarán no que será unha noite inesquencible. Sobre todo para aqueles que lles toquen as dúas entradas para ver a Lenny Kravitz en Vigo o 29 deste mes, xa que durante o concerto farase o sorteo das mesmas para aqueles que consigan participacións bebendo HEINEKEN. entrada gratuíta.
Na Sala 600:
Hoxe o grup coruñés TACRACK, no horario de costume.

SOFTWARE LIBRE. Un software para todos.

LUGAR: Edificio Multiusos de Melide.
DATA: Sábado 24 de Maio.
HORA: 18.00 h.

PROGRAMA:

18:00Presentación. Eduardo San Miguel. Consultor de TI-Indra
18:10.-INTRODUCCIÓN Ó SOFTWARE LIBRE. Rafael Rodríguez Gayoso. Enxeñeiro de informática.
18:30.-COLOQUIO
19:00.-TALLER DE GNU/LINUX. Jorge Lama Varela. Usuario de Linux.
* A entrada é gratuita
* Os participantes poden traer os portátiles para probar os programas.
* O evento está dirixdo a usuarios de calquera idade e profesión.

PLAY-OFFS 2007-2008
A fichaxe de Pau Gasol polos LA Lakers fixo que os amantes do basket, nos engancharamos de novo a liga profesional estadounidense, a N.B.A.
Tódolos afeccionados soñamos cunha final Celtics-Lakers e así rememorar os nosos anos de tenra infancia cando seguíamos a liga a traverso de "Cerca de las estrellas" de Ramón Trecet.
Sabiamos os quintetos titulares de memoria dos dous equipos: Byron Scott, Magic Johnson, James Worthy, A.C Green e Kareem Abdul-Jabbar polos amarelos e Dennis Johnson, Danny Ainge, Larry Bird, Kevin McHale e Robert Parish polos de Massachusetts.-Corroeme a curiosidade, busco na wikipedia e atopo o seguinte:
Su nombre proviene de una voz indígena local que significa "lugar del monte grande", como Monte-Alto logo, ou High-Mountain que din os neo-coruños.
As finais de conferencia son as seguintes no Oeste: Lakers-San Antonio Spurs, e no Leste: Detroit Pistons-Boston Celtics.
Non hai dúbida que os texanos e os "bad-boys" da Motown non queren ser convidados de pedra e trataran de evitar a toda costa a final do "glamour".
A ver que pasa. Xurxo xa pronositcou a "anti-final"....todo se decidirá na "En-Bi-Ei Básketbol-American´s-geim"-

CIRE-MESÓN
Nos 1/16 de final da Copa da Coruña, o rival que lle tocou en sorte ó Cire no sorteo de onte luns, foi un equipo moi forte que acaba de ascender de Segunda Autonómica Grupo I (o grupo no que recalará o Cire a vindeira tempada) a Primeira Rexional.
Trátase do clube ordense, Mesón do Bento C.F, que fai dous anos militou na mesma categoría co Cire pero que en dous anos fixo un auténtico equipazo.
Xente tan experimentada como Chollas, Damián, Minguilla, Dani Regos, Cristian son os baluartes dos mesoneiros.
O Cire ten a vantaxa de que xoga na casa,que é a partido único, e que tamén ten moita moral despois do ansiado ascenso desta campaña.
Sen dúbida un gran partido no Municpal de Melide,en prinicipio o domingo ás 18.00.

ART-NATURA
Info extraída da páxina da Asociación A.d.e.ga<
o 23 de maio ao 6 de xuño. A exposición Art-Natura na que participan máis de 140 artistas e escritores galegos coa temática da defensa do medio natural inaugúrase este venres 23 de maio 20:00 no Edificio Multiusos de Melide. Na inauguración estarán presentes membros de ADEGA e do Concello de Melide na persoa da concelleira de cultura. A exposición permanecerá aberta dende o día 23 de maio até o 6 de xuño. A mostra realízase coa colaboración da Concellería de Cultura do Concello de Melide e as consellerías de Cultura e Medio Ambiente.
exposición “ART-NATURA”, promovida por ADEGA, é unha mostra itinerante por todo o territorio galego en defensa da Rede Natura galega e en defensa do noso Patrimonio Natural. Melide é a oitava localización na que se expón “Art Natura” tras Compostela, O Carballiño, Lugo, Oroso, A Coruña, Fene e Marín onde tivo unha boa acollida. Participan nela máis dun cento de artistas galegos con 102 obras plásticas, 28 literarias, e 2 audiovisuais.
Durante este 2008, pretendemos tamén presentar a exposición en Pontevedra, Ferrol, Carballo e Cabanas. Permanecere atent@s ás novas convocatorias e datas

LEE TRON

A verdade que de espectacular se pode calificar o traballo do inefable Pietro Pandurini, a última entrega do cómic "H" no blog de Xosi é impresionante. A aparición de Cho-Tsi, e dos "italianos" Rallini e Chiquitini, promete, e promete moito.

Aproveitando o rexurdir da banda deseñada pola parte de Pedro, cólgovos aquí a obra que se publicou xa fai uns aniños, no último boletín de Curuxás. "Lee Tron", no que o artista multidisciplinar melidán refrexa o mundo da noite a través dun antiheroe que non leva ben que lle servan "garrafón", pero mellor é o que vexades.

Para ver mellor as viñetas clicade nas imaxes.

UN DE VILALBA
Manu Chao está de actualidade no país, xa que vai estar en Monforte esta fin de semana, actuando e tamén formará parte dunha mesa redonda falando da Censura, conxuntamente co seu pai Ramón e Xosé Manuel Pereiro "Rotring" o venres ás 20.00 en terras de Lemos.
Para a semana tamen actuará na cidade de A Coruña.
O outro día Amiguete preguntóume se vira "Muchachada Nui" a pasada semana, e a verdade é que non o vira a pesares de que soio seguir o programa, igual non en directo pero sí na rede como fai moitísima xente.
O motivo do inquérito do compañeiro Adrían non era outro que saber si ollara a parodia que facía Joaquín Reyes, do propio Manu Chao.
Fai unhas datas vino, sen querer, na páxina do amgio arzúan Fandinho e a verdade é que me fixo bastante gracia.
O clan de Albacete, que así lles chaman, teñen un humor distinto, a min recórdanme algo a "Canal Clandestino", aquel programa de televisión que facían os mozos melidáns do instituto nos primeiros noventa para botar unhas risas o Día das Letras Galegas.

CAMBIO DE IMAXE NA ESCUDERÍA MELIDÁ
As novas cores do coche e da equipación do equipo MelideMotorSpor, presentadas o sábado 10 de maio na praza do convento de Melide. O próximo reto do equipo de Ferreiro será gañar no Rallye Cantabria Infinita en próximas datas, como fixeron o ano pasado, e a parte deixando unha magnífica sensación.

"H"
O sinpar Pedro Panduriño xa leva uns cantos venres publicando na grande bitácora de Xosi as primeiras páxinas dun comic que se albisca como obra de culto na Terra de Melide.
Pedro que xa ten publicado parte das suas barrenaduras mentais en forma de octavo arte no "Intres" do IES Melide e na revista de "Curuxás" entre outras publicacións está moi ilusionado con este proxecto.
"H" é o nome deste tebeo no que Pedro anda a traballar esta primavera.
Como di Xosi: "todo parecido coa realidade é unha sospeitosa coincidencia" continua o xornalista póndonos en situación : "unha advertencia: se un fulano de case dous metros vos pide nun bar que vos deixedes retratar, non o permitades ou acabaredes sendo carne de banda deseñada. O que isto escribe accedeu e agora é Cho-Tsi, o xefe da mafia chinesa en Melide (imaxinade qué Melide, un no que hai ata mafia tibetana)...Un Melide dacabalo entre Sin City e China Town. A historia promete ser interesante", abofé que sí, ben interesante, noraboa por esta iniciativa é por compartila co blogomillo melidán nesta dirección:
preme aquí
Permanecede atentos ó que acontece na "vila costeira e asiática de Millí".
Grande Peter¡¡¡¡

ANTROPÓLOGOS MELIDÁNS
Vanessa de Santiso webmaster do moi recomendable blog A Lareira de Santiso defíneme no seu blog como o "Antropólogo do Cerne", sei que mo puxo con cariño pero non cabe dúbida que o antropólogo da Cerne, con permiso de Xerardo Pereiro de Palas, é Santiago Prado Conde, Chago de Chiquitín para tod@s.
O pasado venres mantiven unha conversa moi interesante con el, e entre outras cousas comentoume que Melide vai ser sede do VI Congresso Internacional de Investigação e Desenvolvimento Sócio-cultural do 23 ó 25 de Outubro de 2008
Carai case nada , Melide unha vila pequena sede de todo un Congreso Internacional, que nas pasadas edicións se realizou entre outros lugares en México e Portugal, sen dúbida o grande artífice deste suceso é o propio Chago. Noraboa de novo, polos teus éxitos como investigador, e por que te sigas lembrando, ben sei que sí e mais que che gustaría, da túa terra natal.
Mantereivos informados das novidades que vaian xurdindo en torno ó Congreso, que sen dúbida non ten precedentes na comarca.

XVII FESTA DO MELINDRE E DA REPOSTERÍA TRADICIONAL. DOMINGO 11 DE MAIO. MELIDE.

Voan á velocidade da luz os anos da nosa vida. Agora é o momento de facer unha paradiña e reflexionar. No pouso da nosa pequena historia sempre nos quedarán marcados a lume os vosos grandes trunfos, ó igual que as dolorosas derrotas, os sufrimentos e penurias, ás longas travesías no deserto, penas e alegrías que curten os nosos corazóns de siareiros e que nos unen como colectivo.
Un equipo, un pobo. Cire de Melide.
Por suposto que nunca camiñaras só, cando eramos cinco, cando somos cincocentos e cando sexamos cinco milleiros. FORZA CIRE¡¡¡
PD: Este é un trunfo tamén de tódolos xogadores que se escornaron na lameira do antigo campo e que o deron todo polos colores azuis nos anos escuros do clube, e por suposto un recoñecento especial ós directivos que estiveron as duras e as maduras (mais ben as duras) todos estes anos termando do clube. Noraboa e parabens¡¡¡

SOMOS CAMPIÓNS¡¡¡¡

Non foi sin tempo, ser campións e voltar a Segunda Rexional Autonómica e que renovara o blog.
Agora si podémolo dicir ben forte e ben alto, somos Campións e ASCENDEMOS¡¡¡
GRACIAS Á AFICIÓN MELIDÁ QUE RESPOSTOU EN MASA para presnciar o que foi unha auténtica festa do fútbol local.
Megafonía, sorteo de cesta, Tractor engalanado, etc etc en fin todo preparadao para que o Cire cantara o alirón e así foi. Nun partido perfecto dos azuis no que tiveron a sorte de adiantarse moi rápido no marcador e así vecer os nervios existentes. Bon xogo e festa, nunha tarde do domingo 4 de maio de 2008 que quedará para a historia.
+ info no blog do Cire
Ata se fixo a onda ou ola:

ESTE DOMINGO 4 DE MAIO , ÁS CINCO DA TARDE MELIDE TEN UNHA CITA COA HISTORIA, NO CAMPO MUNICIPAL DE MELIDE, SE GAÑA O CIRE ASCENDE, O RIVAL SERÁ O VISANTOÑA DE MESÍA, VÉN ANIMAR Ó TEU EQUIPO NESTE GRAN RETO, O DOMIGO ÁS CINCO¡¡¡¡¡
F O R Z A C. I. R. E. ¡¡¡¡¡¡¡

Mañán sábado ás 17.00 h. no campo do San Estevo de Abellá (Frades) o Cire de Melide ten unha cita coa historia. Penúltimo partido de liga e aventaxa nun punto á Ponte Carreira que xoga na súa casa contra o Vizoño-B, de gañar o Cire e perder a Ponte, o Cire sería campión e subiría automáticamente. Hai que apoiar o equipo nesta gran cita e lévalo en volandas para que logre o triunfo en terras de Frades. Si, si, si somos de Millí¡¡¡¡¡, xuntos podemos, FORZA CIRE¡¡¡¡
PD: Non faltedes.

FOLIADA DE MELIDE¡¡¡
Xa está ahí a porta a IV Foliada de Melide (como pasa o tempo chacho) cun variado e extenso programa de actividades. Será este domingo 27 no Pazo de Congresos e Exposicións.
Artesanía, mostras, exposicións, seminario de palletas, títeres, banda de gaitas e baile, obradoiro tradicional (A Forxa), xantar popular, contacontos, actuación de TINO BAZ (cantor e poeta de A Guarda), Marcha Gaiteira polo pobo con nove agrupacions de gaitas do centro de Galicia, serán aberto, actuación de PABLO SEOANE GRUPO (folk-tradicional), queimada gratuíta etc etc
Parabéns os organizadores, O Castelo, porque cada ano saénse mais do mapa.
Para ver en profundidade o programa podedes entrar na páxina oficial: picando aquí

Xa está actualizado o blog de prensa do Cire

II FESTA DA HOSTALERÍA
O vindeiro Xoves 24 de Abril á II FESTA DA HOSTALERÍA, organizada pola recén creada Asociación de Hostalería "Cerne" de Melide, no que pode decirse que será o seu acto de presentación.

A Asociación nace ca idea de defender os intereses da hostalería da comarca e de sumar esforzos cara obxetivos comúns. Terá ámbito autonómico pola proximidade de Melide ás provincias de Lugo e de Pontevedra co cal intentamos mostrar a apertura da mesma a outros Concellos.

Coa festa, tal como aconteceu na edición do ano pasado, tentaren que todos os locais de hostalería de Melide pechen as súas portas a partires das oito da tarde e así disfrutar dun día de descanso todos xuntos.

Lograrano xuntándose todos no "Pazo de Congresos i Exposicións", (antigo recinto feiral) e disfrutar dunha cea (pulpo, carne ó caldeiro, postres, viño, refrescos, café e chupitos..todo a reventar) a que calquera, hostaleiro ou non, pode asisitir previo pago de 18 €.

De seguido gozaran todos os presentes ca actuación de dúas das máis importantes orquestras da inagotable canteira galega: PARIS DE NOIA e OLYMPUS, que nos levarán en volandas (espero que caiga algún que outro rocanrol) ata ben entrada a madrugada.
Palabras de Nani