sexta-feira, janeiro 29, 2010

VENRES 29 DE XANEIRO FRENÉTICO
Na Sala 600. MEL-INDIE. Festival de música independente cos grupos Hollywater, Igloo e Maryland. Ás 00.00 h.
No Cult Room. Monólogo con Oswaldo Digón.
No Pub Gatos. Á 1.00 h. IN VIVO (Ex-Túzaros)
E na Fundación coido que hai algo tamén¡¡¡

sexta-feira, janeiro 22, 2010



Venres noite de monólogo e hardocore/metal/punk.
Ás 12.00 CÁNDIDO PAZÓ na SALA 600.
Á 1.00 LABAZADA no Pub GATOS.
Myspace de Labazada

quinta-feira, janeiro 21, 2010


DESERTO 547
Cinco dromedarios africanos e tres camellos asiáticos tinguiron hoxe xoves de exotismo o asfalto da N-547 ó seu paso por Melide contra ás duas da tarde.
Non se trataba dun retraso dos Magos de Oriente, o motivo real desta comitiva é a dunha "curiosa" peregrinación neste incipiente Xacobeo 2010.
A expedición vai comandada por oito peregrinos vallisoetanos e sevillanos habituados a traballar e convivir con estes mamíferos artiodáctilos.
Os exóticos animais, que na súa vida cotidiá labouran no cimena,actos publicitarios, festas, cabalgatas etc., chaman a atención por onde pasan dende que saíran de Tudela del Duero (Castea e León) o pasado día oito de xaneiro.
Non é a primeira vez que acude ó Camiño Francés unha peregrinaxe deste tipo, xa no anterior Xacobeo (2004) recalou na ruta unha caravana de catro dromedarios procedentes neste caso das Illas Canarias co motivo de promocionar o turismo no Cabildo da illa de Lnzarote.
Déixovos unha fotos de hoxe da entrada en Melide pola estrada de Lugo con dirección a Compostela dos citados pelengríns de catro patas:



catro dromedarios

sexta-feira, janeiro 15, 2010


Hoxe Venres 15 no Pub Gatos concerto do grupo RAIBA.
Despois de pasar por Faitunflai e Nao, volta co gusanillo do rap-metal o recoñecido Xavinho cun novo proxecto chamado RAIBA, acompañado de antiguos compañeiros de Faitunflai de Quiroga (Lugo). Unha da noite, entrada gratuíta.
Myspace

quinta-feira, janeiro 14, 2010

PRO ANO.....
"Xa que todo nesta vida acaba e fainos devanar a orella velis nolis, finarán ó cabo as noxentas pingas-pingas do derradeiro mes tan enlamugado co gallo de esfroitar o mes do branco luar a que nos convidará de gratis o mes das témeras xeleiras, ollando tamén a nidia albura da esquilfa neviscada que ornará os cumes dos alpeiros. Xa verás que tampouco serán esquías as longas noites e curtos días pra toupenexar un bo durmiñique ó amor da lareira cos tizós de carballo ben arroxados i esmoxicando"
Non, aínda non toleei, trátase dun prónostico do mítico almanaque agrícola "O mintireiro verdadeiro" para o mes de xaneiro de fai uns anos (Eu teño a sorte de ter unha ampla colección deles xa que sempre mos agasalla miña madriña polo Nadal)
Todo se acaba nesta vida dicía e a pasada semana tócoulle o turno o alma máter desta modesta pero exitosa publicación, fálovos do cura de Filgueira (Palas de Rei), don José María Regadío "Lakifil" (Este foi o nome que lle puxera a súa modesta imprenta onde o imprimía os primeiros anos).
"ISTE CALENDARIO É CHUSQUEIRO, ESCOTLIDO, GALEGO-CASTELÁN, PROFÉTICO, ENXEBRE, NOTICIOSO ARTIMAÑEIRO E TAMÉN BARATO"
Así rezaba embaixo da ilustración de dous paisanos parolando ó carón dun cruceiro.
Mais arriba lese PRO ANO TAL e así dende 1951.
Do "Mintireiro" chegáronse a vender 15.000 exemplares en toda Galicia (xa lle gustaría a moitos escritores chegar a estas cifras), sen contar o top-manta existente(copias ilegais que se facían e despois vendían).
Todo un fito para a obra deste párroco un auténtico persoeiro e personaxe do veciño concello de Palas de Rei.
Este proxecto editorial, con moitas similitudes co Gaiteiro de Lugo, naceu na rebotica palense de Don Eduardo Seijas e conta co estilo literario mais peculiar que te podes atopar diante dos ollos no noso idioma.
Ás sesenta, setenta páxinas de media do alamanaque son un caixón de sastre onde podes atopar de todo: adiviñas, contos, humor infantil, aforismos, sentencias, citas,refráns, as lúas do mes, mares,axiomas, chispazos,efémerides, as súas rebuscadas palabras en galego, as medidas de ferrado nos distintos sitios do país,os lugares das feiras de cada día nas catro provincias, as festas sinaladas de ano, calendario de fútbol, etapas do camiño de santiago,etc etc e por suposto un "atinado e enxebre" pronóstico do tempo mes a mes.
O Minteiro, o Gaiteiro de Lugo ... son exemplos desa conexión entre a literatura e os labregos de Galicia, a única lectura para algúns.
Poderíamos dicir que a pesares do seu claro anticlericalismo, Don José María ten algo de semellanza co lembrado escritor e xornalista ourensán do século XIX, Valentín Lamas Carvajal ,"O Tío Marcos da Portela" autor do "Catecismo do Labrego"
Agardemos que esta obra se sega publicando despois do pasamento do seu creador, o cura de Filgueira.
PARA SABER MAIS PINCHA AQUÍ ARTIGO DE "EL PAÌS"

quarta-feira, janeiro 13, 2010

O vigués Amir García gañou un concurso en Xapón de frikis-frikis que ven dez milllós de peroas cantando a canción de SonGoku :

segunda-feira, janeiro 11, 2010


A realidade supera a ficción. Os papeis interpretados, xa fai un lote de anos, porAnne Bancroft e Dustin Hoffman cobran vida na alta sociedade de Irlanda do Norte.
Que gran película "El Graduado" e que gran banda sonora de Simon e Garfunkel.

Versión dos Lemonheads

quinta-feira, janeiro 07, 2010

Xaneiro véu frío, ameaza a neve, cólgovos a composición videográfica que fixo Klalo nunha nevarada do pasado decembro no centro de Melide.

terça-feira, janeiro 05, 2010

segunda-feira, janeiro 04, 2010

EMPEZA O ANO CON MÚSICA EN DIRECTO
Despois do día 1, unha xornada marcada polos saltos de sky, concerto de aninovo, partidos de pádel... sí xa, e a resaca tamén, en Melide imos celebrar os Reices, primeira festa do ano, con música en directo.
Mañá martes día 5, amén da tradicional Cabalgata polas rúas melidenses e dos Cantos de Reis polas tabernas da Agrupación Castelo, bueno é o costume, HERBA GRILEIRA, chegan a Sala 600, os cultivadores das festas, FESTICULTORES TROUPPEArredor das 00.30 os Reis de Magos de Allariz prepararán nos asentos traseiros do 600 a súa próxima vista, este mes de xaneiro, ó festival que organiza Emir Kusturica na súa terra, Serbia. O KÜSTENDORF 2010, devolvendo visita, xa que a No Smoking Orchestra de Kusturica estivo o pasado setembro no Reperkusión de Allariz. A tropa de 1008 and company promete festa a esgalla. Música balcánica e rumaníaca a tope ,ritmo triturador¡¡¡
E o mércores día 6 de xaneiro, un dos grandes guitar-hero da historia do hard-rock (e non é tan esaxerado isto como parece) fara marabillas coas seis cordas. Será un eercicio de teletransportación, é o Gatos será o Marquee de Londres en plena explosión aceirada, un mar de cornos impedirá a visión dende a zona do fubolín, a comunión entre grupo e público será total e o concerto será marcado en vermello na xa lustrosa lista de bandas que pasaron polo local sito entre as rúas Galicia e Emilia Pardo Bazán.Que non cho conten ¡¡¡
MÉRCORES 6, DÍA DE REIS,Á 1.OO h. ADAM BOMB NO GATOS. Escoitao no seu myspace
Adam Bomb vén dende New York City (aínda que antes pasando por Cuenca).
Decirvos que Adam Bomb foi guitarrista de Motorhead e participou como guitarra solista no derradeiro disco en solitario de Jonh Paul Jones (mítico baixista da non menos mítica banda LED ZEPPELLIN). UNHA DA NOITE, ENTRADA GRATUÍTA NO GATOS.