MELIDEinBLOG

Boas a tod@s, familia e non familia, que presión teño agora buah, bueno o primeiro de todo cumpríronse onte 25 anos da morte de Bob Marley, e hoxe na Hora Amiga haberá que facer un pequeno monográfico, tedes mais información do gurú do reagge, nesta web.
No outra orde de cousas o Cire rematou a súa tempada 2005/06 con derrota fronte o Encrobas por 2-3 a pasado findesemana, con dous goles de Óscar, un deles de escándalo, dende o medio campo de bote pronto e cun pouco de axuda do porteiro. O trencilla que arbitrou tiña un lixeiro aire a "Martínez, el facha" un histórico do comic do Jueves, para E-milio era o arbitro biónico xa que diciá que tiña unha perna ortópedica, este milucho sempre esta a todas aínda que o outro día cortábase un pouquiño por respecto a xente menor de idade que andaba polo campo, moi curioso velo dicir: "Arbitro, corcholis era fuera de juego, cáspita¡¡¡"
Coincidía o peche de campaña do Cire, clasificado no posto 14º da táboa, estamos no bo camiño, vamos mellorando, pro ano a seguires medrando como equipo.
Digo que coincidía coa celebración do titulo de liga que acadou o CD Palas xa que gañou perante o Taboada, segundo clasificado, a festa pola vila de curva debeu de ser boa. Blog de Santi de Palas
No tocante a concertos e acitividades deste "weekend", cancelado o concerto do Gatos, Nani dixit:"mañá día 12 de Maio non hai concerto de NUEVA REPUBLICA SONORA, levo un mes intentando contactar con eles e parece ser que o manager, con quén tiven os contactos, non lles dixo nada ata o pasado xoves da xira por Galicia, e claro, eles xa tiñan amañado por outro lado. Parece que non é a primeira vez e coido que pouco vai durar a relación prefesional banda-manager, pero bueno, eso é problema deles. En fin, que toca foderse este venres e deixaremola música en directo para a vindeira ocasión, ala a rañala. Bicos a tod@s " , NRSonora son de Málaga e teñen un sonido metaleiro na onda de Hamlet e Skunk Df.
Ah, o próximo mércores, 16 de maio, víspora do día das Nosas Letras, este ano adicado a ´Manuel Lugrís Freire, haberá unha gran verbena en Val, na Golada, coas orquestras Philadelphia e a mítica e querida Paris de Noia.
Este domingo tamén e importante para o basket galego xa que se xogará o todo polo todo, despois de sete anos consecutivos na ACB, o equipo do .Breogán .
Ten que gañar en Valladolid, onde as augas andan revoltas co tema do Fórum Filátelico e de Afinsa, non non é "A Finsa", ainda que o "pao" para os inversores foi bastante grande. Ninguén da pesos a catro pesetas.
Pois eso que o Breo amén de derrotar os pucelanos ten que agardar que o Lagun Aro Bilbao pase pola pedra ó Pamesa, os valenciáns xoganse entrar en Play-offs; tamén depende doutro partido o Menorca-Manresa, onde si vencen os cataláns tería que gañar por mais de dous puntos.
A ver se teñen sorte os do Leite Río e conseguimos manter o único equipo que queda da comunidade na segunda mellor liga do mundo, que lonxe quedan os tempos onde Ferrol, Ourense e o propio Lugo, disfrutaban do mellor deporte profesional.
Veña amigos un saúdo