MELIDEinBLOG

VOLVO PARA QUEDAR (A ver si desta sí)

Prácticamente dous meses sen escribir no blog, como pasa o tempo, xa paso de disculparme, felicítovos pola vosa paciencia e supoño que vos quedou claro que Ferreiro foi o campión moral do nacional de históricos 2008. ;)
A ver se vou collendo ritmo, sacando tempo e vou actualizando mais a miúdo.
Bueno a nova de hoxe en Melide, é que de novo a paisaxe amenceu nevada e non houbo "escuela", cando eramos pequenos soñábamos con días coma este, e hoxe volvín ver esa ilusión (nos tempos que corren dominados pola play station e a wii) nos rapaces que se apoderaron das rúas, e dos prados para xogar co branco elemento.
O tempo está virado, que dirían os vellos, xa que este inverno debe se a cuarta ou a quinta vez que neva. Algo totalmente inusual por estes lares.
Noutra orde de cousas e botando a vista atrás este ano non poiden acudir a cita anual co fútbol galego en Riazor no partido da selección contra Irán (ó final foi o combinado persa quen veu a Riazor en vez de Chile).
Aínda así, coma sempre e xa van catro anos, o mais selecto da mocidade (e non tanto) melidense -capitaneado este ano por Vacenas, coa colaboura de Diego Lirio- viaxou a Coruña para dar alento á Irmandiña.
A expedición do Cerne situouse no pavillón superior e a pancarta que fixemos para o primeiro ano en San Lázaro saíu da palleira de Eva en PEZOBRÉS-SANTISO (a pancarta cumpriu o seu cometido sgundo dixo o padriño de Eva: "despois de seca-la herba,....era grande, ....prestábase, eso chámase reciclaxe sí señor, un día falaremos dos lugares onde estivo pendurada esa pancarta) e voltou ondear na fría noite coruñesa.
Como curiosidade póñovos esta foto anécdotica que me pasou Miki e Mateo do bus onde viaxaban os xogadore e o corpo técnico de Galicia.
Ó sacarlle a instantánea sumouse mais xente a facer fotos e o bon do buseiro incrédulo, pensou que se enganara de cartel e puxo outro que poñía "Selección Gallega Femenina".
No partido en sí, o triunfador foi o "neto" de Melide, Nacho Novo.