terça-feira, dezembro 12, 2006

ENTRARÁCHE POLOS OLLOS.
Inaguroúse hoxe no Multiusos de Melide (antigo Instituto) a Exposición intinerante da experiencia visual creada pola Xunta chamada Galicia Dixital
Hai unha fixa que esta ubicada en San Martiño Pinario que é verdadeiramente espectacular. Segundo contan dende o gabinete de comunicación da Xunta:
Esta exposición, converxencia entre arte e tecnoloxía, ten como obxectivo achegar o audiovisual e os multimedia á cidadanía e servir de plataforma de experimentación de novos sistemas e contidos audiovisuais realizados por empresas e institucións galegas. Así, en Melide xa teñen programada a súa visita alumnos dos distintos centros educativos do seu radio de influencia.
As novas tecnoloxías introducen ó visitante nunha atmosfera especial que nos amosa unha Galicia diferente, unha viaxe de sensacións, imaxes, luces e sons que envolven ó visitante e que lle permiten gozar dunha experiencia nova e divertida.
Ata o de agora, máis de 400.000 persoas visitaron esta exposición que leva varios anos percorrendo Galicia e que ten a súa sede permanente no Mosteiro de San Martiño Pinario, en Santiago de Compostela.
A exposición “Galiciadixital”, de entrada gratuíta, estará en Melide do 12 ao 17 de decembro, en horario de 10:00 a 14:00 e de 17:00 a 21:00 horas.

Se sodes de Melide ou vos cadra de pasar por aqui e tedes tempo non vola perdades, sempre verédes cousas sorprendentes, aínda que neste mundo cotián de hoxe tan avanzado tecnolóxicamente estas cousas xa non impactan tanto como fai unhos anos.

Sem comentários: